أدخــل أي منتدى واكتب أي موضــوع ماله دخــل في هالمنتدى >> الموضوع في وادي والمنتدى في وادي,,
مثال : اكتب موضوع رياضي في منتدى واعدوا أو تحط نكت في منتدى
التصاميم ويفضــل لو تكتـب عليه (( ارجــوا التثبيـت )) يكون لها طعم أحسن
:::
خـذ لك موضـوع جـديد من أي منتدى ومن ثم انسخـه واكتبـه باسمك مره
ثانيه في نفس المنتدى ,, ويفضــل تكتب عليـه ((( فكــره جديدة )))
( هنا المشــرف يدوخ.... ما يدري وين المكـرر عشان يحــذفه )
:::
لا تشارك في أي منتدى ولا ترد على أحد... وبعدين أطلب من الإدارة تحطك
عضو فعال وكل يوم أرسل تظلّم إذا ماعطوك وجه ؟؟
:::
اكتب موضوع في منتدى الشكاوى والاقتراحات ((ألحقوني يا ادارة )) طبعـا را يجي المشرف طاير واكتب في الموضوع ((كيف الحال )) وتحتها صـوره واحــد يضحــك ,, a
:::
شكّك في أي موضوع يـطرح في المنتدى... في كل موضوع قل (( كأني شايفه
في منتدى ثاني)) خلي العالم تــفهم أنه مسروق
::ادخل على أي موضوع مثبت ... وأكتب عليه للرفع,,
( بهاي أحسن لك تطلع بصمت و تحافظ على كرامتك قبل ما يقطعونك )
:::
حاول ترد على المواضيع القدييييييمه و طلع الغبار والجديدة خلها تنزل ,,
يعني تقلب القسم من فوق لتحت
:::
شوف لك مشرف أو مشرفه والزق بيه.........كل يوم أرسله رسائل خاصة
تقـول له شنو رأيك في ذاك الموضــوع... أحس انه مو حلو احذفه الله يخليك,
ولا ذاك الموضـوع رهيـب ثبته الله يخليك,,
( هنا المشـرف يكره اليوم اللي خلـوه فيه مشــرف )
:::
دقق في أملاءات المشرفين... ورد عليهم فقط لتصحيح الإملاء ولا تجيب طاري الموضوع ,,,
: ::
وعندما تصـل حالة تهـورك إلى درجــة الغليــان فما عليك سوى :
عند تعيين أي مشرف جـديد ... أبدا بالكلام عن الواسطة وأنه ما يستاهل ولمح
أن الإدارة ما عندها انصاف... هــذي تغنيــك عن كل الوســائل اللي راحــت
ونسبة نجاحها مليون بالمية و مطرود مليون من الف
الأحد أغسطس 17, 2008 10:04 am
