كان في مرة عريس فكر قبل يوم فرحه يعمل دعوة بس للاسف هو كان عريس عصبي جدااااا
فكتب الدعوة وكمان كانت الدعوة للنساء الي هيجوا عشان العروسه وإليكم نص الدعوة
ده بداية الدعوة.....
الزفت اللي بيجي الفرح ميتأخرش ....
واللي مش جاي في ستين داهية هيريحنا ...
والعيال الرذلين.. الصغار يتخمدوا بالبيت هو احنا ناقصينهم.....
و اللي بتجيب موبايل كاميرا معها هفقع عينيها التنين ....
عشا مفيش ، اطفحوا في بيوتكوا .. كفايه اللي دفعته للموكوسه العروسه....
اللي تمد ايدها عالتورته هقطعها لها .. حلي في البيت ياختي .. منتو زي القطط توكلوا وتنكروا ....
الرقص ممنوع .. الضحك بصوت ومن غير صوت ممنوع .. تقعدي مكشره وتحترمي نفسك....
ترغي مع اللي جنبك أكسر لك سنانك جوه فمّك ....
الكلام اياه اللي بعد الفرح وهو العروسه أحلى من العريس ... والخ الخ ... تبطلوه لحسن اعزمكوا عالاربعين .. وهي بنتكوا وانتوا حُرّين....
بس عارفين الحق مش عليكوا الحق عليا انا اللي عزمتكوا ناس ما تخاف متختشيش
الدرس المستفاد : بالله عليكو لا تخلوا أي عريس او واحد يكتب دعوة!!