عدد الرسائل : 157 العمر : 29 تاريخ التسجيل : 26/03/2008
موضوع: انا و امنا الغولة..........!!!!!!!!! الثلاثاء أغسطس 26, 2008 11:34 am
انا وامنا الغولة
سافرت بلدنا وانا اساسا ما روحتهاش قبل كده ومش متعود علي جو الريف بني سويف تبقي ريف ولا صعيد مش مهم المهم روحت هناك واعدت كذا يوم ففي اليوم الاول ضربت في دماغي وقولت انزل بليل وسط الاراضي الزراعيه فو انا نازل بسم الله الرحمن الرحيم طلعلي ابن عمي معرفشي منين وقالي ايه يبن عمي انت رايح علي فين ولا انت مضايج وعايز تعود في الفسحه شوية قولتلوا لا انا عايز يا حسنين اتمشي شوية وسط الزرع قالي يا ليلة طين اه ما انت من البندر وما تعرفش ايه اللي بيحصل هنا بين الزرع بليل قولتلوا وبتعجب!!! هيكون ايه اللي بيحصل قالي هو واللهم احفظنا النداهة قولتلوا !!! ايه النداهه دي قالي ما سمعتش عن امنا الغولة قولتلوا ايوا يا عمي بس دي تخاريف قالي تخاريف ايه ده انا شوفتها بحباب عينيا اللي هياكلهم الدود قولتلوا والله بجد وطبعا انا عملت نفسي فتك وبروح الفضول انا نفسي اشوفها انا كمان وعشان اسخنه واخليه يجي معايا قولتلوا انا مش مصدقك انت كذاب وبتضحك عليا قالي ابه يبني عمي ما تقولش اكده انا خايف عليك ابوك هيقول اني واديتك للنداهه بايدي قولتلوا ما تخفش يا عمي النداهه دي يعني هتعملنا ايه قال دي علطول بتموت وبتمص دم اللي بتموته وبترميه في الترعه اللي حدانا علي البر التاني وانا بكل غباوة زاد فضولي اني اخش الزرع ونزلت انا وهو ماسك فيا كأني سارق منه سريقة وانا بصراحه ما كنتش خايف الاول لاني طبعا مش مصدق وبقول تخاريف ولكن بعد بضع خطوات داخل الزرع وبعد ما غوطنا شوية في الظلام الدامس سمعت حد بينده بيقول يا سيف يا سيف بس بصوت زي صوت امي بالظبط فابن عمي قالي مش قولتلاك هي دي النداهه بتعمل كده عشان تصطاد فريستها قالي يلا نجري وننفد بجلدنا ونروح علي البيت وانا بكل شجاعه وطلع غباء مش شجاعه لأ لازم اشوفها قالي خلاص انا هاسيبك وامشي روح شوفها لوحدك قولتلوا كده عيب عليك والله يعني هتسيب ابن عمك وانا مش عارف المنطقة قالي ابه ما انت عايز ترمينا في بؤ السبع روح لواحدك يا اخويا ومع كثرة الجدال واحنا بنكلم لاحظت حاجه سودة ضخمه ليها عنين حمرة منورة طبعا انا ما كونتش شايف غير عينيها الدوبلي الحمر فلقيتها نطت عالي فوق ناحيتنا ونزلت علي الارض وسمعت دابتها وكانت قريبه مني وطبعا انا بكل شجاعه افشت في ابن عمي وقولتلوا ابوس ايدك اوعي تسبني قالي الله يخرب مطنك مش قولتلاك اديك ودتنا في داهيه شوف بقي مين هينجنينا وبكل ثقة قولتلوا ما تخافش يا حسنين معاك ابو سيف وطبعا قولت الكلام ده وانا ركبي بتخبط علي الجيران فالحاجه السوده الكبيرة ام عنين حمرة قربت مننا خالص فروحت وبشجاعة وبسالة الرجال صرخت صريخة اجدعها ست فهي راحت افشت فيا جامد فروحت مسكت فيها لقيت عليها فرو فخفت وقولت الحقني يا حسنين ولكن للأسف حسنين طلع راجل اوي كان فلسع وقال يا فكيك وما لقيتش حد جنبي فروحت اتجمعت قوايا وخدت نفس عميق وصرخت اجدعها صريخة وهي كانت كل ما اصرخ تمسك فيا اكثر فانا طبعا بذكاءي اللي وداني لغايت عندها قولت في نفسي دعنا نعمل بصمت ولاني مش شايف منها غير عنيها روحت حطيت صوابعي في عينيها فسبمعت تجعيرة منها كبيرة اللي هي زي الصريخه عندي بس انا عملت زيها وروحت ماسك فيها اكتر لغايت ما هربت من العبد لله ورجعت البيت وبعد ده كله اكتشفت سبب اللي حصلي ده كله الا وهو اني ما كنتش متغطي كويس قبل ما انام
coolnemo admin
عدد الرسائل : 188 العمر : 29 المزاج : cooooooool تاريخ التسجيل : 19/03/2008
موضوع: رد: انا و امنا الغولة..........!!!!!!!!! الأربعاء أغسطس 27, 2008 1:26 pm
هههههههههههههههههههههههههههههههههههههههههههههههههههههههههههه والله الموضوع ده جميل جدا يا سوسو شكرا على جهدك
FOX
عدد الرسائل : 11 تاريخ التسجيل : 08/10/2008
موضوع: رد: انا و امنا الغولة..........!!!!!!!!! الخميس أكتوبر 09, 2008 4:11 am
والله الموضوع ده تافه و ملوش اي لزمة
soso
عدد الرسائل : 157 العمر : 29 تاريخ التسجيل : 26/03/2008
موضوع: رد: انا و امنا الغولة..........!!!!!!!!! الأحد أكتوبر 12, 2008 8:46 am