كنت مرة وأنا في الجامعة مع صديقاتي اللي يكرهوا مررة البسس نبغى نروح نفطر في إحدى الكافتيريات اللي منتشرة في الجامعة فخلينا إثنين يدخلوا يجيـبوا فطور وإحنا الباقي نجلس ننتظرهم جنب باب الكافتيريا المهم وهم نازلين من الدرج سمعوا صوت بسة قريب مررة من عندهم كأنها فوسطهم فصاروا يتخبطوا في بعض صديقاتي واللي جنبهم كمان وأقلهم هذي هي شوفي البسة تحتكم واللي تنقز واللي تصرخ ودنيا صارت من الصوت هذا وأنا وصديقاتي اللي مادخلنا الكافتيريا ميتين عليهم من الضحك وشوية وأخرج الجوال من شنطتي وأنافاطسة من الضحك لأن
صوت البسة ماكان إلا مقطع صوتي في جوالي .
أتمنى تكون عاجبتكم القصة
ويللا دحين دوركم..